Կայացավ եզդի իրավապաշտպան Սաշիկ Սուլթանյանի գործով ևս մեկ դատական նիստ։
Այս փուլի ընթացքում դատարանը շարունակեց հետաքննել դատախազության կողմից բերված ապացույցների փաթեթը, որում այս անգամ տեղ էին գտել Սաշիկ Սուլթանյանի բնակության և աշխատանքի վայրից առգրավված աշխատանքային համակարգիչներում տեղ գտած տեսաձայնագրություններ։
Տեսագրություններն իրենց մեջ պարունակում էին Xirat լրատվականի միջոցով եզդիական համայքնների բնակիչներից վերցված հարցումներ, որտեղ վերջիններս խոսում էին իրենց համայնքներում առկա խնդիրներից։
